tag:blogger.com,1999:blog-74739623834622938932024-03-12T20:39:13.510-07:00sundaneseadjuv23http://www.blogger.com/profile/08564778466839106859noreply@blogger.comBlogger2125tag:blogger.com,1999:blog-7473962383462293893.post-33058157200541381352010-11-10T21:07:00.000-08:002010-11-10T21:07:47.277-08:00babasan paribasaBABASAN JEUNG PARIBASA<br />
Babasan nya éta ungkara dina wangun kecap kantétananu susunanna geus matok sarta ngandung harti injeuman.<br />
Paribasa nya éta ungkara dina wangun kalimah anu geus matok, maksudna geus puguh, biasana ngandung harti babandingan atawa siloka lakuning hirup manusa.<br />
Conto babasan:<br />
• Panjang leungun<br />
• Gedé hulu<br />
• Jam karét<br />
• Peujit koréseun<br />
Conto paribasa:<br />
• Adat kakurung ku iga<br />
• Agul ku payung butut<br />
• Jati kasilih ku junti<br />
• Biwir nyiru rombéngeunadjuv23http://www.blogger.com/profile/08564778466839106859noreply@blogger.com0tag:blogger.com,1999:blog-7473962383462293893.post-88249740721659760292010-11-10T20:35:00.000-08:002010-11-10T20:35:54.004-08:00purwakanti basa sundaPurwakanti nyaéta padeukeutna sora kecap dina ungkara kalimah, bagian-bagian kalimah, atawa réndonan kecap-kecap; utamana dina puisi. Perenahna bisa ngaréndéng dina sakalimah atawa sapadalisan, bisa ogé ngaruntuy dina antar padalisan. <br />
<br />
Rupa-rupa purwakanti<br />
<br />
Purwakanti pangluyu<br />
Purwakanti pangluyu téh nyaéta purwakanti anu aya dina saungkara atawa sapadalisan, lain purwakanti antarungkara atawa antarpadalisan; jadi mangrupa purwakanti rantayan. Pangna disebut pangluyu, duméh nyaluyukeun sora atawa wianjana dina kecap-kecap.<br />
Contona:<br />
diteuteup ti hareup sieup (eu, eup)<br />
disawang ti tukang lenjang (a, ang)<br />
ditilik ti gigir lenggik<br />
<br />
Purwakanti maduswara<br />
Purwakanti maduswara nyaéta purwakanti anu murwakanti sora vokalna.<br />
Contona:<br />
Kokoro nyoso malarat rosa (o,o;a,a)<br />
ambek nyedek tanaga midek (e)<br />
kapipit galih, kadudut kalbu (i,i;u,u)<br />
lalaki langit lalanang jagat (a,i;a,a)<br />
<br />
Purwakanti cakraswara<br />
Purwakanti cakraswara nyaéta purwakanti anu timbul lantaran aya sora-sora vokal anu patukeur tempat dina kecap anu padeukeut atawa saungkara.<br />
Contona:<br />
hirup-hurip<br />
anjuk hutang<br />
ngumbar napsu<br />
<br />
Purwakanti laraspurwa<br />
Purwakanti laraspurwa téh nyaéta purwakanti anu murwakanti engang atawa wianjana awal kecap, boh rantayan boh runtuyan.<br />
Conto laraspurwa wianjana:<br />
1. Cing cangkeling manuk cingkleung cindeten (tina kakawihan)<br />
2. Laut kidul kabéh katingali (tina guguritan)<br />
3. Kembang bodas buah bunder (tina wawangsalan)<br />
Conto laraspurwa engang:<br />
1. palataran pasini pati<br />
2. sakadar sabrang salayan<br />
3. nu nyaksrak nyaliara<br />
ngaruksak ngaraksuk<br />
kaniaya kamanala<br />
mamalana manjang ngabanding ngaranjing ngambah jagat duriat<br />
<br />
<br />
<br />
<br />
<br />
Purwakanti larasmadya<br />
Purwakanti larasmadya teh nyaeta purwakanti anu dumasar kana perenahna aya di tengah-tengah ungkara antarpadalisan. Jadi mangrupa purwakanti runtuyan.<br />
Contona:<br />
Sok hayang nyaba ka Bandung<br />
Sok hayang nyaho nanjakna<br />
Sok hayang nanya nu pundung<br />
Sok hayang nyaho nyentakna<br />
<br />
Purwakanti laraswekas<br />
Purwakanti laraswekas nyaéta purwakanti anu murwakanti engan tungtung, boh dina kecap-kecap anu saungkara (sapadalisan) boh dina kecap-kecap antarpadalisan (di tungtung padalisan). Jadi, anu jadi patokanana téh perenahna.<br />
Contona:<br />
Pecat sawed bati ewed<br />
tengah dalu ngan hanjelu<br />
mo humandeuar ku kadar<br />
teu rék lumpat ku nu ngupat<br />
<br />
Purwakanti mindoan kawit<br />
Purwakanti mindoan kawit nyaéta purwakanti anu muncul lantaran aya kecap anu dipindo (dibalikan) deui dina awal padalisan atawa awal ungkara. Anu jadi patokanana téh nyaéta perenahna éta purwakanti.<br />
Contona:<br />
Lain bangban lain pacing,<br />
lain kananga kuduna.<br />
Lain babad lain tanding,<br />
lain ka dinya aduna<br />
<br />
Purwakanti mindoan wekas<br />
Purwakanti mindowan wekas nyaéta purwakanti anu muncul lantaran aya kecap anu dipindo (dibalikan) deui dina tungtung padalisan atawa ungkara.<br />
Contona:<br />
Kaseuseueuran istrina sok hayang ginding<br />
teu diturut ka carogé maling-maling<br />
carogéna keur goréng ulaheun ginding<br />
samping goréng bajuna teu maké kancing.<br />
<br />
purwakanti mindoan kecap<br />
Purwakanti mindoan kecap nyaéta purwakanti anu muncul lantaran malikan kecap dina kalimah, tapi hartina béda. Purwakanti mindokecap sarua jeung diapora.<br />
Contona:<br />
Hujan ngaririncik, kawas méré kila-kila yén bakal hujan cisoca.<br />
Awakna nu ngalangkang katojo cahaya bulan purnama, teu weléh ngalangkang dina kongkolak panon.<br />
<br />
Purwakanti margaluyu<br />
Purwakanti margaluyu téh nyaéta purwakanti anu timbul lantaran aya kecap dina tungtung padalisan, dina puisi anu dibalikan deui dina awal padalisan sapandeurieunana.<br />
Contona:<br />
Sukingki haté sukingki<br />
sukingki paselup bungah<br />
Bungah kagiridig simpé<br />
Simpé awak talipurna<br />
talipurna manjing sirna<br />
sirna ringkang nu sakujur<br />
sakujur kadua rasaadjuv23http://www.blogger.com/profile/08564778466839106859noreply@blogger.com0